هورولر

بوراسی زامانسيز ياشام ,شعیر و اویکو جیبهه سی

....................................................................................................

كئندلري سو منبرلريندن نيشانلاميشديم

 حاجي ليلكلر بيزدن قاباق ائو تيكميشديرلر

كند قوشاقلاريندا

 ليلكلر يووالاريندان

بو شهري خورطوملاردان زهر مارگئلندن

كوسموشم كند آدلي بير يئردن

ايلانلار سيزي سانجاجاقدير

من اوموشام اوشاقليقيمدان

ليلكلر كوسوب مندن

هر كيمسه ده كوسمه ليدي شهر آدلي بير دوستاقدان

+ نوشته شده در  Fri 20 Nov 2009ساعت 3:14 PM  توسط کریم چایچی  | 

مثلا ایلک غزلریم

بوایلک غزلریمی غزل  اوستادلاریم درگاهیه .فرجزادیه .جودته .ایبراهیمه .صاحیبه. یونس صفدریه .دالغایا بارازا.دوقتور علی پورا. اوزلیکله یورومجومیز یاشیل جنابلارینا سونورام.

 

گونشي ايچينده بوغان ياريار كئفين اولسون

بومبا گویلونو بيزه يار يار كئفين اولسون

آلتي ميليار ايكي آياغلي آیاق چوروتمه ده یز

باشي ايپدن اوجا باش داردار كئفين اولسون

آلاهين آل آلوولاري بيزي يانديرماياجاق

بونو اينانما قالين قارقار كئفين اولسون

دونيا فيرلات خانادي فيرلادانا عشق اولسون

بيز فيرلداتماديق فيرفيرالارعار كئفين اولسون

 بو نه غزلدي سوزلري فاشئن سوزورو

غزلين پست مدرنیدي بو جير جار كئفين اولسون

......................................................

آليب داشياردين دام دا دام كونلومي آتانلاردان

گوتوروب قاچيراردين بو اسكي يئني خانلاردان

داريخما دوز اوزون دئيل قارا گونون عومرو

ساتيلما ساتما ساپديريتما سني ساتانلاردان

بو كوهنه ژه سه لراولدرودوكجه جاوانلاشيري

گل اولدور بيزي ژه سه جاني آلان باخانلاردان

بير عوموردو زامانسيزليق فيشنگينه باروت اولدوق

دا سنده چك ماشاني اوپ قورتار بيزي بو جانلاردان

هاوا قورشونلودو چك مه يي دا زور گه ليري

يا قورتولوش ماهنسي اوخو يا قورتار بيزي بو آنلاردان

+ نوشته شده در  Thu 5 Nov 2009ساعت 0:39 AM  توسط کریم چایچی  | 

قار یاغیر

قار ياغاندا هر يئره ياغير

اونوتما قار ياغاندا روويالاريميزا ياغير

دئلي خانايادا قار ياغير

كاج آغاجينين آلتينا

سني اوپدويوم يئرده قار ياغيب

دون اورادايديم

كولگه ني اونوتميشدين

يئردن يیغديم

آرخاين اول

اونو بينيمين سن گولن يئرلرينده ساخلاميشام

آنيميزدا باشماق ايزي واردي ها

اورايدا قار ياغميش

آرتیق بورالییام

ديشلريمي چكيب لر

منه مسواك آل

مقنه لي گل

بوردا محرم چوخدو

دوشوندويوم يئره گل

قان سانديسي آل

روز گولو آلما

قار ياغير

+ نوشته شده در  Sat 24 Oct 2009ساعت 10:19 PM  توسط کریم چایچی  |